泰.夯蝦 (諾士佛臺) (已結業)

疫情關係仲未有得去旅行， 真係好掛住泰國呀！ 上網見到在尖沙咀諾士佛臺1號1樓的泰.夯蝦有流水蝦， 放工約埋朋友一齊去試下。 入場之前店員已經做好防疫措施， 提供體溫檢查、 蒸氣消毒衣服和酒精搓手液， 令到客人食得安心。我們大約下午5點到達， 店內已經全場爆滿。 店員安排我們坐向流水道附近， 非常方便我哋攞蝦。 每次都泰國必吃大頭蝦， 今次終於可以食番夠本， 在流水道裏面的大頭蝦大隻又新鮮， 遊來游去跳紮紮的， 夾上嚟之後放入冰桶裏面， 然後就可以燒了， 蝦頭好多膏， 蝦肉爽口新鮮， 超級美味。自助區有熟食、 燒烤食品、 水果、飲品和甜品。 熟食方面有泰式鳳爪、 泰式墨魚仔、 燒賣、台灣腸、 關東煮＆蛋撻仔等等。 燒烤食品有粟米、 菇類、菜類、丸類、腸仔、豬、牛、羊、 雞翼、串燒、 多春魚、蜆、 象拔蚌和帶子。 最正仲有南非鮑魚和宮崎和牛 ， 鮑魚好新鮮燒完彈牙又爽口， 店員會幫忙剪開鮑魚， 方便食用。 和牛肉質豐富，入口即溶。 最後記得一定要食雪糕， 我試了榴槤味和桃味， 好好食呀！第一次到泰.夯蝦， 食物種類多， 品質又好， 店員服務親切， 最正就係流水蝦任食， 餐廳環境有點似泰國