富士山55 (拉麵沾麵專門店) (已結業)

近年越來越流行食沾麵，要係芸芸嘅拉麵店之中突圍而出，一定要用上靚嘅食材。朋友介紹我去呢間富士山55食沾麵。海膽沾麵 ($198) 海膽非常新鮮，完全無腥味，入口即溶，甘香肥美。魚子好大粒！一樣係好新鮮，粒粒飽滿。糖心蛋有水準，得半隻唔夠喉。沾麵湯底用咗海膽黎整，非常香濃。麵係粗麵，掛湯有咬口。如果食到一半個湯凍左，旁邊有個爐可以加返熱，非常貼心。總括來講，價錢雖然比一般拉麵貴一倍，但食材新鮮加上味道超，一定會再去幫襯。