Taylor Shellfish Farms (高街)

營業中

休息中

今次已經係第二次嚟，上一次來係剛剛開張嘅時候。高質服務咁多年來一直都冇變到。Menu有10幾種生蠔選擇，價錢非常公道，OpenRice訂座更加有88折， 十分抵！而且侍應非常熟悉每一種嘅特點，推介嘅都好合我嘅口味，上枱嘅時候總會介紹由邊一隻食起。兩個人食咗八隻生蠔，都係揀爽口同清甜嘅居多。生蠔極度鮮甜同肥美，大滿足。熱食揀咗炸魷魚圈同埋蜆肉雜菌意大利飯。作為一間主打海鮮嘅餐廳，佢哋嘅side menu真係意外地高質。魷魚圈份量非常足，炸粉好薄，魷魚炸到啱啱好，香口得來仲好Juicy。意大利飯仲有一粒粒嘅咬感，絕對唔會煮到好爛。絕對係誠意之作，有驚喜。兩個人嗌三樣嘢已經夠晒飽。連埋嘢飲同甜品，埋單都係$7xx，冇得頂。