阿堂魚湯 (已結業)

今次試了下午茶餐，汁燒雞排魚湯米線，海鮮盛合魚湯米線。可以另外加錢選擇烏冬。下午茶時段，正常乜要求，但呢間係即叫即做，所以係製作需時 ，耐心等候。第一口試吓個湯，第一個反應係堅既新鮮魚煲既湯底,飲唔到味精既，感覺唔咸，好味!汁燒雞排，雞皮燒到夠脆，雞肉啱啱好，燒烤汁都夠味，配合個沙律菜，咁既價錢可以有咁既質素好難揾!海鮮盛合，鮮蝦尾，鮮魚片，八爪魚都新鮮，唔係雪到冇味道果啲!唯一可惜係飲品欠奉，只有汔水，蒸餾水，玄米綠茶。