重慶洪鼎火鍋 (已結業)

上星期同朋友經過亞士厘道，見到呢間洪鼎火鍋， 裝修都幾別緻，而且門口擺放唔同嘅套餐menu 都幾吸引，於是我同朋友就入去試試……經過一輪挑選之後，我們點了一個木耳清雞湯做湯底，再加一個海鮮盛拼盤。清雞湯入口暢順，完全沒有味精，大大隻肥雞， 真材實料！海鮮盛合拼盤，用料十分新鮮，用上冰鎮上盤 十分亮眼！侍應好細心，主動提醒我們每種海鮮需要烚多少時間，以免影響海鮮肉質嘅鮮味 ！我們就依據食生蠔嘅方法，開始逐一品嚐，先由味道相對較淡開始……原條活石蚌魚:粉嫩而薄薄嘅魚片，直情可以當刺身飲品嚐，加少少日式豉油及 wasabi 鮮甜無比！如真的要落水烚，我諗只需兩三下， 即可入口， 味道同刺身食法有些少不同， 白灼之後，比較爽口！貴妃蚌:超大隻，而且肉質新鮮，一啲沙都沒有！大大之花竹蝦:真係有半隻筷子咁長，而且蝦肉結實，仲有滿滿嘅蝦膏，十分爽口彈牙！新鮮活鮑魚:真係貨真價實，清潔得乾淨，而且十分肥大，味道濃沃口感十足！這個海鮮拼盤，論食物質素及價錢，真係十分抵食！！！這裏環境坐得舒適，我會同朋友再次encore ！