蒲頭島 (已結業)

近幾個月經常喺屋企下廚，有時都會想食下街外嘢，會幫襯外賣。今晚好想打邊爐， 火鍋都有外賣套餐，仲有八折二人套餐食物有16款咁多，仲有一款自選湯底，汽水兩罐去到比咗錢，店員好好人叫我哋坐喺餐廳裏面等，滑咗一陣手機，兩大袋火鍋材料已經預備好自選湯底揀咗雪燕牛乳養顏湯，有成一公升咁多，材料包括雪燕，紅棗，杞子， 木瓜，餐廳建議加入1:1水，湯底好甜，好潤火鍋材料擺放得好整齊，分門別類，連調味料豉油，葱花，指天椒粒，蒜蓉，芝麻醬， 都個別用小盒仔裝住，衛生企理，賣相相當吸引美國牛板腱，油花均勻，肉質鮮嫩，呢個好好味西班牙豚肉片，雖然冇牛板腱咁快食得，但係豚肉片口感幼嫩，咬落肉汁四溢，等多幾秒又何妨雞件也十分嫩滑貢丸，牛筋丸，海膽丸，芝士腸，墨魚春卷，魚皮餃，也十分出色，食得出唔係廉價貨色。油豆腐確實有趣，好似油炸鬼浸落啲湯底，分成好多少件，索曬啲湯一大桶炸魚皮，非常香口爽脆，我就鍾意就咁食，脆卜卜還有蔬菜類，粟米，金菇，冬菇，唐生菜，加埋兩罐凍冰冰汽水，爽曬唔使買，唔使洗，唔使自己淆定個湯底， 外賣又多個選擇。