Carbs? (裝修中)

最近發現銅鑼灣多咗一間精緻西餐廳，位置都係喺L square入面，非常方便，所以今日喺銅鑼灣收工就決定上嚟試吓。一上到去，已經俾個裝修吸引住，係好有少女風嘅拱形槍，加埋開放式廚房嘅設計，成個感覺都好舒服。食物方面覺得所有嘢都幾新鮮，同埋感覺到廚師真係有諗過先放上餐牌嘅，有heart！首先第一樣我見到好想叫嘅就係蒜泥黑肉，以前中餐廳食蒜泥白肉就多，呢度就係用咗pastrami，所以先係合用，作為一個小前菜，真係幾特別。我不嬲都係青芥醬迷，所以見到爆谷蝦焦糖花生青芥醬就即刻叫。呢度個爆谷蝦做得好好，有一層好薄又脆嘅炸皮，加埋甜甜地嘅walnut，口感好豐富。龍蝦芝士通粉唔好睇佢細細碗，其實好足料，好難得地啲通粉仲有好q彈口感！小羊架配羊肚菌同南乳呢個組合都好特別，第一次食西餐用南乳醬料，感覺就好似食緊一個羊腩煲咁樣，唔好睇佢個羊架好似好生，但係其實識落一啲腥味都冇，更加好嫩滑！本來其實應該都夠飽㗎啦，但係見到佢個margherita pizza 好似好吸引，尤其pizza底，所以都叫埋！兩種cheese加埋本來已經無敵，但係個餅底先至係終極贏家，口感超好，呢個真係必點！