口麻天辣

營業中

休息中

原來vwalk商場隱藏左呢間專門食酸菜魚水煮魚小店！睇環境細細間 好似bar檯形式咁食川菜都係一次～ 但估唔到食物水準咁高，好有驚喜，款款都係熱辣辣快靚正，最緊要價錢真係算好抵食！點水煮魚套餐 又包涼菜土豆絲 又包小食小酥肉 仲有白飯，基本上兩個人share都好足夠～ 水煮魚本身自帶芽菜同寬粉，魚肉好嫩滑 無腥味 小辣個辣度都食得好舒服 屬於容易handle的辣度🌶️ 另外點左款麻辣燙 湯底試左清新藤椒湯 麻味為主 基本冇咩辣度 配料可以自選三款肉類三款菜類 推薦大家揀嫩牛肉片、蓮藕同鮮豆皮 同湯底好夾好惹味！整體性價比同質素都好高 已經諗好下次再同屋企人一齊食 絕對值得encore！