Chop Chop 食神叉燒 (宏安道) (已結業)

住東區又鍾意食叉燒嘅朋友，對「新貴香」叉燒唔會陌生。最近發現原來位於炮台山嘅Chop Chop食神叉燒嘅主廚榮師傅，係為前新桂香主廚。呢日嚟到炮台山附近，當然要試吓啦。餐廳有單點之餘，亦有二人及四人餐選擇。除咗燒味外，仲有多款小菜提供。蜜汁燒排骨叉燒（$150）- 呢個係餐廳職員推介，聽講係每日新鮮運到嘅排骨燒成，唔係間間燒味店有。師傅利用傳統醃肉及燒法，入囗果然非常高質，燒得好好味，不愧為食神叉燒。原隻燒鵝髀米粉（$130）- 原隻燒鵝脾真係好吸引，肉質鮮嫩，入口啖啖肉，味道好正。餐廳環境舒適座位闊落，適合一班朋友或屋企人聚餐。見餐廳除咗一般餐飲和特飲外，仲有紅酒選擇，配合中式燒味，應該有另一番風味。