影片
更多
2022-10-28
648 瀏覽
今日同朋友去廟街睇塔羅牌前去咗油麻地一間唔起眼嘅Casa 酒店上面嘅西餐廳。父母之前已去過它位於佐敦分店，佢哋勁力推介話超好食。見到油麻地有分店即時上去試下。餐廳設計以黃啡色做主題，活潑得來又帶點休閒，似coffee shop。唔想諗嘢嘅我哋，即刻看吓Dinner set 有咩嘢叫。有燒春雞、海鮮、牛扒、豬手、羊架、朱肋骨、豬鞍架。估唔到樓上餐廳都咁齊備各種肉類叫，好值得讚賞。 如唔鍾意食肉類嘅朋友，亦可以叫佢哋嘅意粉晚餐set。 仲要每個餐都送新鮮熱辣自家製餐包同忌廉蘑菇湯。再送$34嘅飲品。 德國脆皮鹹豬手 $268烤到外皮超脆，就算凍咗外皮都唔會硬到食唔到。 豬手顏色呈透明粉紅色，肉質非常鮮嫩，晶瑩剔透。 平時去德國餐廳食鹹豬手，鹹到你食幾舊已經再食唔到落去。 反而呢晶餐廳調返香港人口味，鹹豬手唔會過鹹。美國安格斯肉眼牛扒 $288好耐冇食過五成熟，會流血出嚟嘅安格斯肉眼牛扒，好感動呀！出面好多西餐廳叫五成熟，都變全熟，硬都唔想食落去。呢間餐廳廚師好得，煎到牛扒剛熟，表皮唔會硬。 肉質有彈性，脂肪比例均勻，好有牛味。旁邊仲有軟林林嘅薯蓉，非常入味。仲有兩篇茄子肉脆骨同兩條小粟米，
餐廳設計以黃啡色做主題，活潑得來又帶點休閒，似coffee shop。
唔想諗嘢嘅我哋，即刻看吓Dinner set 有咩嘢叫。有燒春雞、海鮮、牛扒、豬手、羊架、朱肋骨、豬鞍架。估唔到樓上餐廳都咁齊備各種肉類叫，好值得讚賞。
如唔鍾意食肉類嘅朋友，亦可以叫佢哋嘅意粉晚餐set。 仲要每個餐都送新鮮熱辣自家製餐包同忌廉蘑菇湯。再送$34嘅飲品。
德國脆皮鹹豬手 $268
烤到外皮超脆，就算凍咗外皮都唔會硬到食唔到。 豬手顏色呈透明粉紅色，肉質非常鮮嫩，晶瑩剔透。 平時去德國餐廳食鹹豬手，鹹到你食幾舊已經再食唔到落去。 反而呢晶餐廳調返香港人口味，鹹豬手唔會過鹹。
美國安格斯肉眼牛扒 $288
好耐冇食過五成熟，會流血出嚟嘅安格斯肉眼牛扒，好感動呀！出面好多西餐廳叫五成熟，都變全熟，硬都唔想食落去。呢間餐廳廚師好得，煎到牛扒剛熟，表皮唔會硬。 肉質有彈性，脂肪比例均勻，好有牛味。旁邊仲有軟林林嘅薯蓉，非常入味。仲有兩篇茄子肉脆骨同兩條小粟米，可以去油膩。
凍朱古力咖啡 （跟餐補$10）
超濃咖啡味，唔會比朱古力蓋左咖啡味。係朱古力咖啡上面仲要加咗忌廉同一粒用朱古力做嘅咖啡豆，睇落好吸晴。
凍榛子朱古力 （跟餐補$12）
超有榛子味嘅凍朱古力，好夠味。 非常濃烈，朱古力唔會太甜！
張貼
