November+

營業中

休息中

去咗試中環呢間樓上cafe November 。一開𨋢門就見到餐廳，好有驚喜😍😍間餐廳嘅裝修設計好日式，食物就好西式。由全日早餐到百吉包，乜都有。我哋去嘅時候咁啱係下午茶時段，叫左兩個餐慢煮岩手縣南部雞胸沙律開頭見到個雞胸沙律，以為只係普通白烚雞肉，點知原來好好食，原來佢用火槍燒過啲調左味嘅雞胸，好香火灸味，而且口感好嫩滑好juicy，一啲都唔硬，同個沙律好配。煙肉白吉包個煙肉白汁包嘅賣相好討好，個包烤得好脆口，但一啲都唔會乾，好軟身，煙肉亦整得好香脆，唔肥！另外，飲品都好特色，除咗一般嘅咖啡之外，仲可以揀薑汁牛奶，我梗係試吓呢個薑汁牛奶，有香濃嘅玉桂味，牛奶味好香，好少飲到呢一個配搭，好有驚喜🥰🥰另外店員嘅服務態度好好，最開心就係可以食完之後仲喺店舖入邊影相打卡。有機會可以再去。