港城茶餐廳

營業中

休息中

今日要去伊院，一出地鐵就見到呢間，知道沿途無其他選擇，就入去！叫左碗雪菜豬排米線！等麵期間，有對年老母子入黎，個婆婆揸拐杖，叫左野食就起身去洗手間。個侍應小妹妹叫婆婆放底個袋先，仲幫手除底個袋！仲不停提醒婆婆小心行，慢慢行，好乖呀！唔知係咪見到好人，寧舍覺得碗麵好食！個湯好濃，好正！雪菜好入味！其間有人想坐我張枱，但其實我仲有家人黎緊！我同侍應妹妹講聲，佢醒目到攞杯水黎，話放係度就可以唔洗啲客坐左如果我朋友要請人，我一定會叫佢黎刮角！呢個年頭，咁乖咁醒既年青人真係唔多！係我差唔多食完碗麵既時候，我家人黎左，但佢居然話唔食，我那那林食完比返個位人，走時同妹妹講唔好意思，佢笑笑口話唔緊要，仲同我byebye,你好乖呀我每次去伊院，都一定會黎幫襯你的