烏蠅館 (已搬遷) 新店位置

香辣烤多寶魚服務去到好多人食，但係甘多人啲侍應服務非常好，招呼周到，會黎介紹今日送嘅三款素菜，烤魚到之後五分鐘會黎幫你打開蓋，當佢見到啲野食晒會黎收起啲碟，仲會將啲食物擺近啲，真係讚。烤魚叫左招牌香辣多寶魚，好大一條，肉質又白又滑，仲好惹味添，食完一面番另一面嘅時候仲入味，見到顏色都滲透左入去，辣得黎又香，香得黎又好味，簡單啲黎講色香味俱全。今日送雲耳、萵筍、冬菇，超正。見到每枱都叫寬粉，緊係要嗌黎試下啦，佢好似薯粉，闊啲，好有咬口，煮耐少少已經好入味，佢嘅魚腐好大粒，好好味。娃娃菜好新鮮好乾淨。桂花蜜糖加奶蓋佢好吸引嘅係所有飲品都可以加奶蓋，佢嘅奶蓋夠濃，成杯搞混好清甜，食完辣烤魚飲番杯簡直好爽。