Cafe Addict (已結業)

今日去佐敦個頭工作，估唔到係條無咩食肆既大街，竟然有間裝修得幾靚既Cafe，於是就入去食個Lunch嘆杯咖啡。佢地Lunch menu 有主食+飲品，我叫左個香草雞胸肉羅勒醬蝴蝶粉再加左杯熱既cappuccino。 另外佢仲有cocktail，都見有人坐Bar枱飲緊😆 我仲要工作就唔好了😆😆好少可見有蝴蝶粉，哩種意粉可以掛晒啲醬上去，啖啖都有滿滿羅勒醬，好香👍🏻要一讚佢雞胸煮得好出色！我最驚叫雞胸意粉見到啲無調味既雞胸，再撈埋意粉本身個醬就上菜（好多cafe係咁🥲），哩到個雞胸係調左味，底面都煎香左，但佢煎得黎又唔乾，入面仲係juicy同入晒味，真係好有驚喜！咖啡好香同有靚靚拉花😁係到靜靜地，坐係到飲下咖啡覆下msg，好舒服。