甜姨姨 (耀華街)

營業中

休息中

今晚食完燒肉好熱氣，所以去咗甜姨姨食冰冰諗住下下火。一如以往，超級長龍，好多人排隊！位置好迫，少少辛苦。我哋揀咗甄沾記Call Me Coconuts冰冰。上到枱好大座，另外附上一張小卡，介紹冰冰每一層嘅材料及食法。提醒我哋，唔好掛住打卡，要1分鐘內影完相，開始食用，否則會融化得好快。正確食法係上而下，外而內食，為免佢會側埋一邊倒塌下來，有時候要轉動刨冰，確保每邊都食得均勻。椰子味超香，冰冰好幼細，另外附上椰子汁，唔怕食到底層會冇味。