彤粵菜小館 (已結業)

今日係媽咪生日，所以就一家人去尖沙咀呢間彤粵菜小館食飯❤️首先叫左杏汁白肺湯比媽咪滋補滋補，辛苦哂佢平時照顧我地，勁香嘅杏汁味道，而且一啲豬肺腥味都冇，媽咪都大讚好飲😘跟住叫左個草原風波，其實就係牛展絲，口左煙煙韌韌，配埋柚子汁，超級清新又開胃。然後再叫左薑蔥廣島蠔，呢個小炒好惹味，薑蔥爆到好香，而廣島蠔又好肥美。最後蝦籽葱燒金玉參，玉參柔軟香糯的口感，超滑！而且十分入味，再加上蝦籽口感更多變化。餐廳環境方面都十分之舒適，員工服務態度優良，係一個好唔錯嘅生日體驗。