臺北棧 (世貿中心)

營業中

休息中

超鍾意食台灣嘢，想食呢間好耐，今日終於有時間。見到裝修都好闊落，播緊台灣歌。叫咗幾樣嘢食都係$500內，又好食，打卡又靚。明太子甜不辣甜不辣食得多，但配明太子汁嘅真係好少，原來兩樣嘢都可以咁夾。甜不辣有口感，薄薄地。招牌滷肉飯好耐都冇食過好食嘅滷肉飯，就算有肥豬肉都唔會覺得好肥膩，入口即溶。黑松露粟米芝士蛋餅呢套係用鴨蛋做，蛋味會比較濃郁，超多黑松露醬，配埋拉絲芝士，一流！Oreo奶奶麻糬呢個係今次嚟嘅目的，一定要食到，話說超級滑溜，勁多Oreo水，大滿足。伯爵茶酒第一次飲到呢個配搭，兩樣嘢都幾夾，有酒味之餘都帶有伯爵茶香，好特別。