醉翁亭火鍋館 (已結業)

今日我們喺烏溪沙站附近做完嘢之後去咗隔離嘅迎海薈行吓，行到去「醉翁亭火鍋館」見到喺門口貼著嘅大海報「任飲任食海鮮火鍋」，仲要係「無限時」，真係好吸引，加上呢幾日嘅天氣都幾凍，最啱就係「打邊爐」，所以我們就決定今晚喺度食晚市任食火鍋！一開始店員問我們揀選要咩湯底？我們就揀咗個清甜鮮味嘅冬瓜瑤柱鍋，之後就即刻攞咗五款以人頭計每位贈送嘅食物有：環球海鮮盤、刺身拼盤、蠔皇扣鮑魚、醉翁亭極級牛頸脊同至尊水餃皇！除咗火鍋配料係任食之外，另外仲設有自助小食區同飲品櫃等等等等⋯⋯感覺真係好抵食呀！環球海鮮盤嘅六款時令海鮮，款式係每日都唔同，而今日就有龍蝦件、海蝦、元貝、龍躉片等等等等⋯⋯全部都非常新鮮！刺身拼盤有三文魚腩刺身、泰式生蝦刺身、北寄貝刺身同日本魷魚刺身，全部都相當新鮮，特別係泰式生蝦刺身，肉質好鮮甜爽脆！醉翁亭極級牛頸脊嘅牛肉味非常濃郁，色澤相當紅潤，脂肪分佈好平均，所以食落有陣陣嘅油香滲透整個口腔，真係超正呀！至於其中嘅鮑魚、花膠、海參同燕窩係每星期供應一款，而我們今晚嘅係蠔皇扣鮑魚，鮑魚比我們想像中大隻，質感非常爽滑彈牙，而且燜得相當入味，花菇亦好軟滑厚身，真係好正呀！講到呢度為止，都