上戶酒場 (已結業)

朋友話好想飲啤酒，就去咗呢一間上戶酒場，因為朋友話有個好抵嘅套餐🍺🍺🍺等陣8:30呢個時間，同班朋友嚟到，就揀咗呢個$98嘅串燒餐有四串串燒同一杯嘢飲可以揀酒精或者唔酒精都得，串燒嘅選擇都有十幾款，但係就唔可以重複其中我最鍾意佢個鰻魚乾，出面好少食到😝仲叫咗條伊佐木魚兩食，分別係刺身同埋攞個魚生骨去炸，刺身魚嘅肉質爽口；炸骨仲有另一番風味，超級爽脆用嚟送酒就啱啦😍鐵板龍蝦：呢個真係好正，龍蝦煎到相當香，仲幫我哋拆埋肉，方便食❤️跟住再追加咗呢個鐵板豆腐，豆腐煎得好脆，入面仲保持好嫩滑，又係一個送酒好嘅選擇☺️