梅丘壽司の美登利総本店 (青衣城1) (已結業)

因夜晚有約喺青衣城，所以我們就提早啲啲喺下午時候就去青衣城行吓！行到去G/F我們見到喺日本好出名嘅「美登利」壽司店喺度有分店，所以我們就入去食個午餐！我們叫咗兩個極上吞拿魚丼同自選刺身丼配烏冬御膳「豪華三色丼」！喺落完單後，店員就攞咗跟餐嘅日式蒸蛋同麵豉湯畀我們，日式蒸蛋蒸得啱啱好，非常滑溜！麵豉湯嘅味道都幾鮮味，而且昆布相當足料！極上吞拿魚丼祇係賣相已經非常吸引，肉質超鮮甜軟滑，而且都幾大件厚身，所以口感相當豐富！至於自選刺身丼配烏冬御膳我們就揀咗「豪華三色丼」，三色丼嘅海膽係超級鮮甜，三文魚籽就粒粒都極之鮮味飽滿，而吞拿魚腩蓉就好芳香軟滑，真係超正呀！至於烏冬嘅湯底就略嫌有啲鹹，而烏冬嘅麵質就好煙韌彈牙！