Golden Monkey (已結業)

我堂食試過， 外賣自取試過， 哎delivxrxx試過， 但個水準都係一致！都係咁好食我一係叫海南雞飯， 一係叫豬頸肉湯河。 但兩樣我都係最愛！佢兩樣都係比出面貴， 但係真係抵食佢個海南雞飯有三樣野， 但唔代表唔用心整佢個油飯真係做得好出色， 佢上面有啲炸蒜片， 佢個飯用雞湯燴完之後可能有落雞有昇華， 令成個飯雞味好出。佢中包埋清湯蘿蔔， 個蘿蔔整得好稔好入味， 最抵讚嘅係佢唔懶， 佢個湯唔同湯河個湯， 係分開煲， 好清甜, 最重要係佢個雞！佢同你去晒啲骨同根， 好滑， 佢個雞皮又無膏， 所以可要成舊食。重點係佢果兩個醬 , 平時我出去食海南雞飯一定唔會點果啲醬， 一唔係太油， 就係過少或過多調味， 但係佢地有兩個， 一個係酸微微微辣嘅， 一個係類似沙茶醬嘅醬， 集甜，咸， 辣於一身嘅醬， 重之就好好食， 所以食果時我會加晒兩個醬落去啲雞度佢個豬頸肉湯河同樣咁正, 佢絕對唔會馬虎你， 有6~7塊嘅厚切豬頸肉， 個面低又好， 最重要係個湯又濃有香有唔咸， 調味好適中， 有個小缺點就係佢果度啲芽菜唔知係咪無碌過， 入口都係索索聲, 不過呢一個好小事， 最緊要係佢整體啲main都係好食所以我