影片
更多
2021-04-24
207 瀏覽
今晚嚟到火炭工廈嘅呢間川菜餐廳，店面簡潔乾淨，一入到去已經聞到川菜嘅香料味！6點半嚟到入座唔駛等位，但7點左右已經坐滿晒，好彩早嚟到。【招牌川味酸菜魚】即叫即製，川菜比較著重香料味，真係淨飲個湯都好好飲！鱸魚食得出係新鮮唔係隔夜嘅， 重點係唔腥仲要少骨，而且份量勁多！我諗四個人都夠食！除咗大量酸菜芽菜，仲有金菇雲耳青瓜同埋勁大量吸晒靚湯嘅木薯粉，果然係招牌菜！（最驚喜位係金菇！掛湯仲唔痴牙！）【椒鹽脆鮮魷】令人懷念嘅避風塘炒魷，炸粉唔厚仲幾脆口，已經比較少食到餐廳會用呢個傳統方式小炒。炒料勁多層次感豐富，食落一啲都唔寡，魷魚仲大大嚿一啲都唔小氣，夠晒鑊氣配埋汽水真係爽！【麻香手撕雞】前菜嚟講好大碟，雞絲皮爽肉嫩，大量芝麻加埋個醬汁好惹味！【手拍青瓜】青瓜新鮮爽脆，辣度適中。同手撕雞一樣好大碟，可惜主菜上枱太好味就冷落左佢哋，下次要再多啲人一齊嚟食！一間好有水準嘅川菜，鍾意食酸菜魚嘅朋友真係唔好錯過！咁高嘅質素咁抵價錢真係誇張！仲有，見到老闆好熱情咁同客人傾計，真係幫襯小店先有呢種人情味！
【招牌川味酸菜魚】
即叫即製，川菜比較著重香料味，真係淨飲個湯都好好飲！鱸魚食得出係新鮮唔係隔夜嘅， 重點係唔腥仲要少骨，而且份量勁多！我諗四個人都夠食！
除咗大量酸菜芽菜，仲有金菇雲耳青瓜同埋勁大量吸晒靚湯嘅木薯粉，果然係招牌菜！（最驚喜位係金菇！掛湯仲唔痴牙！）
【椒鹽脆鮮魷】
令人懷念嘅避風塘炒魷，炸粉唔厚仲幾脆口，已經比較少食到餐廳會用呢個傳統方式小炒。炒料勁多層次感豐富，食落一啲都唔寡，魷魚仲大大嚿一啲都唔小氣，夠晒鑊氣配埋汽水真係爽！
【麻香手撕雞】
前菜嚟講好大碟，雞絲皮爽肉嫩，大量芝麻加埋個醬汁好惹味！
【手拍青瓜】
青瓜新鮮爽脆，辣度適中。同手撕雞一樣好大碟，可惜主菜上枱太好味就冷落左佢哋，下次要再多啲人一齊嚟食！
一間好有水準嘅川菜，鍾意食酸菜魚嘅朋友真係唔好錯過！咁高嘅質素咁抵價錢真係誇張！仲有，見到老闆好熱情咁同客人傾計，真係幫襯小店先有呢種人情味！
招牌川味酸菜魚
$188
16 瀏覽
1 讚好
0 留言
招牌川味酸菜魚
$188
72 瀏覽
1 讚好
0 留言
椒鹽脆鮮魷
$98
14 瀏覽
1 讚好
0 留言
椒鹽脆鮮魷
$98
11 瀏覽
1 讚好
0 留言
麻香手撕雞
$68
14 瀏覽
1 讚好
0 留言
手拍青瓜
$38
13 瀏覽
1 讚好
0 留言
張貼
