影片
更多
2023-03-24
478 瀏覽
妹妹生日飯～去咗棉登徑內嘅N.28 Teppanyaki食鐵板燒！鐵板燒好豐富，用料矜貴高質，職員服務都非常友善有禮，值得推薦！我哋點了高山市A5飛驒和牛二人前 （$1680pp）前菜－煙燻池魚第一道菜就充滿視覺效果！店員喺我哋面前緩緩打開瓶蓋，立即煙霧彌漫。池魚帶有陣陣青檸煙燻木香，配搭酸甜嘅檸檬珠珠及柚子醬汁，打開味蕾！日本海膽蒸蛋嫩滑嘅蒸蛋用海苔高湯蒸煮而成，面頭再鋪上慷慨嘅北海道海膽，鮮味爆燈！鹽焗日本粒貝日本粒貝口感爽彈，鮮味濃郁！慢煮鮫鰈魚師傅先將鮫鰈魚嘅魚皮煎至香脆，然後慢慢煮至魚油滲出，食落外脆內溶。配搭日本黑豆及法式香草汁，各有風味！接下來，師傅就展示這晚的主角－－海鮮大拼盤，海鮮全部都非常新鮮！龍蝦和鮑魚仍然是活生生的！澳洲黑邊鮑魚黑邊鮑魚份量十足！好大隻！煮之前仲係活生生，非常生猛！熟度控制得啱啱好，加上用料新鮮，所以入口好彈，完全唔韌。蘸上鮑魚肝醬，更加令鮮味大大提升！伊勢海老伊勢海老同樣都好新鮮，好生猛！師傅將龍蝦拆肉後，混和龍蝦膏一齊烹調，食嘅時候再配搭埋自家製龍蝦湯，每一啖都充滿龍蝦嘅鮮香，好正！.高山市A5飛驒牛久聞崎阜縣飛驒牛之盛名，是日終於一試！飛驒
去咗棉登徑內嘅N.28 Teppanyaki食鐵板燒！
鐵板燒好豐富，用料矜貴高質，職員服務都非常友善有禮，值得推薦！
我哋點了高山市A5飛驒和牛二人前 （$1680pp）
前菜－煙燻池魚
第一道菜就充滿視覺效果！店員喺我哋面前緩緩打開瓶蓋，立即煙霧彌漫。池魚帶有陣陣青檸煙燻木香，配搭酸甜嘅檸檬珠珠及柚子醬汁，打開味蕾！
日本海膽蒸蛋
嫩滑嘅蒸蛋用海苔高湯蒸煮而成，面頭再鋪上慷慨嘅北海道海膽，鮮味爆燈！
鹽焗日本粒貝
日本粒貝口感爽彈，鮮味濃郁！
慢煮鮫鰈魚
師傅先將鮫鰈魚嘅魚皮煎至香脆，然後慢慢煮至魚油滲出，食落外脆內溶。配搭日本黑豆及法式香草汁，各有風味！
接下來，師傅就展示這晚的主角－－海鮮大拼盤，海鮮全部都非常新鮮！龍蝦和鮑魚仍然是活生生的！
澳洲黑邊鮑魚
黑邊鮑魚份量十足！好大隻！煮之前仲係活生生，非常生猛！熟度控制得啱啱好，加上用料新鮮，所以入口好彈，完全唔韌。蘸上鮑魚肝醬，更加令鮮味大大提升！
伊勢海老
伊勢海老同樣都好新鮮，好生猛！師傅將龍蝦拆肉後，混和龍蝦膏一齊烹調，食嘅時候再配搭埋自家製龍蝦湯，每一啖都充滿龍蝦嘅鮮香，好正！
.
高山市A5飛驒牛
久聞崎阜縣飛驒牛之盛名，是日終於一試！飛驒和牛油花分佈平均，煎至要求嘅五成熟，有入口即溶嘅感覺！
沙律
食完油花豐盈嘅A5和牛，沙律恰好可以解一解膩！
黑松露蟹籽蟹膏釜飯
雖然稱為釜飯，但其實都係鐵板燒炒飯，只不過炒完之後，會蓋上木蓋燜煮一陣！
用鐵板燒炒嘅飯一向特別有鑊氣，粒粒分明，加上大量蟹籽、蟹膏、蟹肉，未食都已經香氣撲鼻！師傅再放上慷慨嘅黑魚子，口感爽脆鮮甜！
季節湯
頭先剩下嘅伊勢海老頭都無浪費到，師傅用龍蝦頭熬煮成湯，好暖胃！
日本果物
以香甜嘅日本蜜瓜及士多啤梨作結，滿足！
整晚真的非常豐富，每道菜都好出色，食得出用心烹調，大滿足！
張貼
