小越廚

營業中

休息中

荃灣不嬲都好多泰國或者越南嘅餐廳，今日咁啱經過見到，呢間餐廳嘅二人餐非常平，咁就入去試吓啦。入到去雖然時間仲好早，但係坐滿好多人，如果想食嘢記住早啲嚟等位啦。我哋首先叫咗個火山排骨，一上枱真係好震撼，因為真係好大，而且排骨搭到好高，好適合打卡。佢食落酸酸辣辣，不過唔會太辣，越食越開胃。另外我哋仲叫咗個生蝦刺身，估唔到咁平嘅價錢有咁多隻，而且沙蝦好大隻，食落好新鮮，唔使點酸辣汁都已經好好食。呢個青咖喱雞扒飯又係好大碟，佢嘅咖喱汁辣辣地，撈飯一流。而且雞扒都好嫩滑，襯埋青咖喱真係好好食。呢間餐廳又平又抵食，覺得咁多人幫襯啦，一食完已經即刻推介左住荃灣嘅朋友嚟食啦。