茶涮涮 (已結業)

餐廳裝修和風甚濃，感覺好似返咗日本咁🤗呢度主打正宗關西式壽喜燒，即係先燒肉後落湯嘅食法～「日本雪室熟成和牛壽喜燒」套餐除咗主角雪室熟成和牛，仲有鹿兒島A5和牛肉眼、特級刺身盛、2️⃣款前菜、主食、野菜盤同埋甜品🍮又有壽喜燒又有刺身食，真係一次過滿足晒我兩個願望🤩店員詳細介紹完和牛之後就同我哋烹調🥰首先放入牛脂起鑊，然後逐片逐片和牛細心煎香👍🏻日本雪室熟成和牛我第一次食😆經壽喜燒加熱後，肉味香濃又飽滿，油脂豐腴而唔膩😱鹿兒島A5和牛肉眼肉質滑潤，加熱後更加係將牛嘅精華逼晒出嚟🤤滋味滿溢，食唔夠喉😭另外仲食咗一碗特色冷麵叫紫蘇梅麵，健康解膩又爽口😋