影片
更多
2021-08-19
31 瀏覽
今日突然好掛住日本旅行，於是搵咗一間日本餐廳晚飯懷緬一下日本旅行嘅時候，就揀咗喺尖沙咀厚福街嘅Mo Mo Kushiage ，一入到門口已經好有日本居酒屋嘅感覺，推開門所有店員都會好大聲同你打招呼，令你感覺好親切，好似置身日本一樣。好快店員已安排我哋入座，而且仲向我哋介紹今日有啲咩係比較時令，我哋都好快就完成點餐服務，好快店員就為我哋送上頭盤小食，我哋點嘅頭款小食有燒鱈魚乾，凍蕃茄，鮟鱇魚肝，店員將燒鱈魚乾燒到十分脆，好似食薯片一樣，再加上沙律醬味道十分惹味，凍蕃茄所揀嘅蕃茄好新鮮，入口有一種好鮮甜嘅感覺，感覺好清新，鮟鱇魚肝入口感覺好似食鵝肝一樣，而且表面加咗少少蔥花味道好香滑如果鍾意食鵝肝嘅朋友一定要試吓。跟住店員就為我哋送上日本嘅生蠔，日本生蠔比其他品種嘅生蠔較為肥大，而且比較重海水味，我個人來講都比較鍾意食日本嘅生蠔，因為感覺抵食夾大件。食完生蠔店員因為我哋送上松葉蟹甲羅燒，甲羅燒味道比較濃郁，而且店員亦將麵包燒過，有一種脆口嘅感覺，再配上松葉蟹甲羅燒，真係停唔到口。之後我哋重點咗大蔥雞肉串，串燒類係我每次到居酒屋必點嘅菜式，今次呢間餐廳嘅雞肉串雞肉燒得好好味，雞皮燒到好脆但雞
好快店員已安排我哋入座，而且仲向我哋介紹今日有啲咩係比較時令，我哋都好快就完成點餐服務，好快店員就為我哋送上頭盤小食，我哋點嘅頭款小食有燒鱈魚乾，凍蕃茄，鮟鱇魚肝，店員將燒鱈魚乾燒到十分脆，好似食薯片一樣，再加上沙律醬味道十分惹味，凍蕃茄所揀嘅蕃茄好新鮮，入口有一種好鮮甜嘅感覺，感覺好清新，鮟鱇魚肝入口感覺好似食鵝肝一樣，而且表面加咗少少蔥花味道好香滑如果鍾意食鵝肝嘅朋友一定要試吓。
跟住店員就為我哋送上日本嘅生蠔，日本生蠔比其他品種嘅生蠔較為肥大，而且比較重海水味，我個人來講都比較鍾意食日本嘅生蠔，因為感覺抵食夾大件。
食完生蠔店員因為我哋送上松葉蟹甲羅燒，甲羅燒味道比較濃郁，而且店員亦將麵包燒過，有一種脆口嘅感覺，再配上松葉蟹甲羅燒，真係停唔到口。
之後我哋重點咗大蔥雞肉串，串燒類係我每次到居酒屋必點嘅菜式，今次呢間餐廳嘅雞肉串雞肉燒得好好味，雞皮燒到好脆但雞肉又唔會好乾身，而且大蔥好鮮甜好新鮮，之前試過其他居酒屋咬落去有渣嘅感覺，但今次呢間餐廳就好鮮甜。
之後我哋又點左黑松露牛油錫紙焗雜菇，一打開錫紙見到好多黑松露鋪喺面，夾了一部份放入口香濃嘅黑松露味充滿喺口腔之中，而且仲有一陣陣牛油嘅香味。
之後我哋又試左呢間餐廳嘅炸物，我哋點左荷蘭豚肉串，日本華味鳥雞胸肉，再加上炸一隻半熟玉子，豚肉串裏面包着唔同嘅餡料，每一條都有唔同嘅風味，而且肉質好鮮嫩，外皮炸到好香脆，雞胸肉就每條都有唔同嘅醬汁配上，有芥末，梅子醬等，真係每一條都充滿着日本嘅風味。最後仲食咗半熟玉子，餐廳將半熟嘅溫泉蛋表面炸過，咬落口裏面嘅蛋黃湧出嚟，估唔到原來溫泉蛋都可以炸嚟食感覺好新奇。
最後再點左餐廳嘅炸雞翼黎試吓，味道非常之好，用嚟送走真係一流，每次到居酒屋炸雞翼都係我嘅必點菜式，呢間餐廳將雞翼醃到好鮮味，而且一啲雪藏味道都冇。
之後我哋仲試咗餐廳嘅關東煮，當店員送上關東煮嘅時候突然令我諗起日本自駕遊時，經過快速公路上面嘅便利店都會買一碗關東煮同一塊炸雞扒，真係好想快啲可以再去日本旅行。呢碗關東煮都充滿着日本嘅風味，牛腩炆得好入味，而且蘿蔔都煮得好軟身，好鮮味，年糕福袋裏面都充滿着關東煮嘅湯一咬落去連埋啲湯汁一齊進食感覺真係好滿足。
最後我哋試埋個雜錦拌飯，呢個刺身飯裏面有帶子，三文魚刺身，明太子，鮮蝦，再加上餐廳調製嘅醬汁，食完之後真係飽到不得了，但唔一樣我都覺得非常之好味，今次第一次喺香港識到一間咁有水準嘅居酒屋，所以真係要好好記錄低，同大家分享。
如果大家都好鍾意去日本旅行嘅話，都可以去尖沙咀呢間居酒屋懷緬一下以前去日本旅行嘅時候嘅感覺。
張貼
