影片
更多
2013-07-25
1133 瀏覽
是日去完迪迪尼，係欣澳撘巴士入 Discovery Bay 食大餐！呢間餐廳係某一年情人節發現既，今次係第3次特登入黎食喇！佢話無得訂枱，但唔知點解我地去到竟然有個訂座牌放左係某一張枱上面，真奇怪。去Discovery Bay就好似去左外國渡假咁，會見到好多外國人，因為 Happy Friday ，所以仲多人飲酒吹水，好喜愛呢d生活態度，放左工就同朋友吹水飲野食飯，好寫意。好喇講返正題，今次叫左3杯麥啤500ml ($65 per one)，一杯 mocktail ，一個廚師推介既特選德國凍肉拼盤配芝士，德式芝士醬及麵包 ($124)，一個廚師推介既秘製德國一鹹豬手配香滑薯蓉及酸椰菜($198)同一個焗鮮草苺德式香酥甜品 ($65)另一個雪糕球 ($20)，埋單七百幾蚊，可以食一餐自助餐，哈哈。麥啤唔太苦澀，金香可口，500ml同1L既價錢只係爭幾蚊姐，如果想飲新鮮凍既麥啤，建議要500ml。杯mocktail唔記得左咩名，由 紅桑子，芒果，蘋果等組成，係沙冰黎既。好fresh，芒果味較重，飲到最尾見到有蘋果生銹既色，證明係用新鮮蘋果打出黎，好味。廚師推介既特選德國凍肉拼盤配芝士，德式
去Discovery Bay就好似去左外國渡假咁，會見到好多外國人，因為 Happy Friday ，所以仲多人飲酒吹水，好喜愛呢d生活態度，放左工就同朋友吹水飲野食飯，好寫意。
好喇講返正題，今次叫左3杯麥啤500ml ($65 per one)，一杯 mocktail ，一個廚師推介既特選德國凍肉拼盤配芝士，德式芝士醬及麵包 ($124)，一個廚師推介既秘製德國一鹹豬手配香滑薯蓉及酸椰菜($198)同一個焗鮮草苺德式香酥甜品 ($65)另一個雪糕球 ($20)，埋單七百幾蚊，可以食一餐自助餐，哈哈。
麥啤唔太苦澀，金香可口，500ml同1L既價錢只係爭幾蚊姐，如果想飲新鮮凍既麥啤，建議要500ml。
杯mocktail唔記得左咩名，由 紅桑子，芒果，蘋果等組成，係沙冰黎既。好fresh，芒果味較重，飲到最尾見到有蘋果生銹既色，證明係用新鮮蘋果打出黎，好味。
廚師推介既特選德國凍肉拼盤配芝士，德式芝士醬及麵包 ($124)好快就到左。一黎到嘩左聲，好豐富！淨食呢d都夠飽。都係麵包最吸引我，暖暖的，揸埋好香既德式芝士醬，食10個都得！
個德式芝士醬好好味，除左有黃色既芝士醬，仲有粒粒芝士係入面，好有食早餐既feel!仲有好fresh 既沙律伴碟，有沙拿美腸同ham。d ham我真係唔識欣賞，食落陣味似農場d屎味，好彩得兩三片姐。特選德國凍肉都好好食，唔太咸。幾片芝士味道唔太濃，夾麵包最好！
廚師推介既秘製德國一鹹豬手配香滑薯蓉及酸椰菜($198)隨後上埋，估唔到咁快，平時至小要等4個字，早知唔咁早叫定啦。一望落去就見到燒到勁脆既皮，下面係港滿既骨膠原！諗起都想成隻食哂去！呢排睇緊 master chef，學佢地三個用刀敲一敲個面，一聽就知好脆。急不及待快d切黎食，唔好處就係無切埋俾我地要我地自己切，但如果切左就會好快凍哂，真矛盾。切個時有d lea hea，又跌咁d落件衫度，熱到係辣手既。一啖咬落去個皮度，好脆，但又唔會脆到介口。d骨膠原雖然唔係好多，但都好有痴牙既感覺，唔知係代表咩呢。d肉咸香味夠，食落去似滑身既㷛湯豬骨肉咁，好好食！薯蓉略嫌淡味，無好香既牛油同牛奶味，麻麻地。反而酸椰菜好好味，同個豬手好夾，好開胃，減淡左豬手既油膩感。
重頭氣係焗鮮草苺德式香酥甜品 ($65)，另加一個雪糕球。就係為左呢個甜品先特登入黎食。滿滿香酥既餅乾碎舖係鮮草苺上面，酸酸脆脆咁，好開胃，就算之前食飽左都仲依然有位食呢個甜品。加上上面充滿雲利拿籽既雪糕，真係無比享受！因為每次食到一半就食哂個雪糕，因為好快溶(個好似煎pan既器皿係好熱既)，所以我每次都要叫多個雪糕，都係$20好抵！呢個咁完美既甜品為呢餐德國菜畫上完美既句號！
張貼
