釣魚翁 燒鵝．海鮮飯店 (已結業)

今日中午我們同一個非常疼錫我同和藹可親嘅伯伯拜年，之後我們去咗太子彌敦道嘅「釣魚翁 燒鵝.海鮮飯店」飲中午茶！我們叫咗午市孖寶：籠仔蒸美國龍蝦飯嘅龍蝦好新鮮，肉質非常爽甜彈牙，師傅仲好貼心咁將龍蝦斬件，而且仲舖砌得好整齊，令到賣相相當吸引！高湯灼時蔬嘅菜苗好青嫩同無根，而且味道好清甜！香茜魚茸腸嘅腸粉好軟滑薄身，魚茸嘅肉質好鮮味軟滑！蜜汁叉燒包嘅包質好香滑軟熟，蜜汁嘅味道相當香甜！醬皇蒸鳳爪燜得好腍好入味，醬汁嘅味道好香辣惹味，但唔會過鹹！金牌燒鵝脾瀨粉嘅燒鵝皮燒得超級香脆，肉質極之鬆軟嫩滑，鵝味非常濃郁，而且肉汁超多，不愧係他們嘅金牌燒鵝！