嚐越 (已結業)

今日下午我們喺荃灣眾安街做完嘢之後，去咗荃灣千色匯搵吓有咩好食？行到去見到間「嚐越」差唔多係全場滿座，心諗應該出品都幾好，所以我們就入去咗食下午茶！我們叫咗生牛肉湯河粉嘅湯底好夠熱，味道相當鮮甜香濃，牛肉嘅肉質好鬆軟，肉味亦好濃郁，而且有三大塊咁多，以下午茶嚟講，真係幾抵食，至於河粉嘅麵質亦好煙韌軟滑！香茅牛肉撈檬嘅牛肉肉質相當鬆化多汁，燒到啱啱好，唔會過咗火而令到肉質變到又乾又硬，而且有好惹味濃郁嘅香茅味，真係好正呀！而檬粉嘅麵質亦幾彈牙，加埋啲「冧」汁一齊食，簡直係絕配呀！