炉端金 (已結業)

食過無限咁多次放題.....炉端金真系可以話系最高質既一間，刺身選擇同海鮮真系拍得住酒店級數。我地食5:45pm個場，出面有自助形式蟹籽沙律。可以無限食大量蟹籽，真係好正個自助bar仲有生蠔、青口、凍蝦同埋翡翠螺，真系好似食緊酒店buffet！隻隻都好大好肥美，尤其生蠔，一口氣吃左半打! 好鮮甜！極力推介！超大隻之後每一枱都會自動上一盆刺身同埋龍蝦，龍蝦好多蝦膏，刺身併盆有三文魚，赤身，油甘魚，甜蝦，帆立貝同帶子，仲有松葉蟹腳同埋鰹魚，全部都好新鮮！炉端金最特別之處系除咗平時啲放題都有嘅sake同埋啤酒之外，仲有紅白酒同柚子酒，另外自動生啤機，呢個真係好得，幾貴都要泥體驗一次高級放題！包你滿意！另外都左多款小食同壽司，小食我最中意黑松露鵝肝多士，上枱即刻聞到香煎鵝肝味，一口氣吃左3舊，好回味！最後食埋個MOVENPICK雪糕，今餐真係超滿足!!!