甘饕 (已結業)

今晚老細帶我同啲同事去食好西，去左食「甘饕」，佢話依間「甘饕」係「鏞記」個老闆個仔開既，相信大家對「鏞記」一定唔會陌生，但想食平價版既就一定要黎「甘饕」，因為水準唔會比原舖差。皮蛋酸薑：😉😉😉😉😉皮蛋未必個個都中意食，其中有一個同事本身唔中意食皮蛋，但佢勁中意依個皮蛋酸薑，個皮蛋仲要係溏心🤤乳豬（例牌）：😉😉😉😉😉雖然個乳豬細細碟，但勝在質素非常好，平時好多時食到既乳豬都係凍曬，但依一碟上碟果時都係熱辣辣，乳豬皮都好鬆脆。鮮蟹肉乾燒茄子：😉😉😉😉😉一開始聽到茄子有少少卻步，因為本身自己唔食茄子，但老細話一定要食，好好食，最後一口氣食左4舊，因為茄子炸到好似天婦羅咁，口感唔會覺食緊茄子咁，加埋個蟹肉汁非常香口。燒鵝：😉😉😉😉😉黎到點可以少得燒鵝呢？賣相唔洗講，非常吸引，鵝皮都仲脆口，肉質都好鮮嫩🤤最後忍唔住嗌左碗瀨粉同燒鵝一齊食，加埋燒鵝底既黃豆，不得了個人評分（滿分為5）味道：😉😉😉😉😉環境：😉😉😉😉員工友善度：😉😉😉😉😉CP值：😉😉😉😉😉