傷心酸辣粉 (西洋菜南街) (已結業)

做完yoga, 超想食下d 湯粉...搵下搵下，見到以前讀書時期經常食既傷心酸辣粉，見到有下午茶餐牌，真係要入去食下！我地叫左佢個麻辣薯粉，bb 辣.....我最鐘意食佢個薯粉，好彈牙...同埋佢係四川麻辣既辣，所以係好香口，又配撘酸菜及肉碎係薯粉底，味道好夾，整體又不太辣！配菜叫左麻辣肥腸同麻辣肚絲...兩款配菜都好香滑，食落好有口感，同埋份量十足！再配埋一杯茶餐廳冲既凍檸茶，簡直冇得頂！埋單$104 蚊！抵食！！🤪🤪🤪