日和号壽司料理 (已結業)

九龍灣Megabox 真係好多好野食，想食日本野既不妨來這家位於10樓的日和號壽司料理，包你有驚喜。我們二人點了超級多野食，究竟驚喜係邊？就係壽司魚生都係半價，哇哇哇這個真的是好大的優惠，雖然沒有試過這裡的日本野，但都好想試試。我們首先點了一份火焰帆立貝鰈魚邊牛油果沙拉作前菜，別小看這份沙拉好多帆立貝和鰈魚在面頭，而且撈埋牛油果果真好好味，而且又開胃作用。跟住就食熱野先，叫一個鹿兒黑豚鍋，這個是麻辣湯底，要注意真心辣，但辣得好過癮，喜歡辣的朋友可以試試。另外再追加了火鍋牛肉和烏冬，牛肉質量好，漉兩漉可以入口，好正。再來就係壽司同魚生，一份火焰柚子胡椒帆立貝壽司，三文魚籽軍艦，海膽軍艦，鰻魚壽司，三文魚腩，劍魚腩刺身，還有拖羅壽司盛合，這些都是半價計算，超級抵食。所有魚生片都超厚超新鮮，我更要推薦拖羅壽司，D拖羅真心正到不得了，大家一定要試試。特別一提餐廳服務很好，服務員都超熱情細心，大家都能係一個愉快環境進食，實在是舒適開心，疫情好返更要帶多d朋友一起來食。