Just Eat (已結業)

約左朋友西環晚餐，今次就來到西環呢間越南餐廳，試下呢度既泰國越南菜式。呢間餐廳就係just eat, 因為地方比較偏，要上斜坡，所以來呢度食飯的多數係附近街坊。我都係靠西環的街坊帶我來呢度食，亦係咁認識左一間好味的餐廳😋。我們點了泰式生菜包，燒雞撈檬同埋越式雞飯。泰式生菜包的肉粒炒得特別香特別有肉味，生菜也是新鮮夠嫩，包住肉粒真係好好味好juicy，我好喜歡這道菜。燒雞撈檬的燒雞好夠香，而且好多舊雞，分量算豐富，一個人食都夠飽。而越式雞飯更是有點像海南雞一樣，口感又嫩又滑，真係夠曬雞味。除左野食好味，呢度既飲品都係清新潤喉，我們點了兩杯野飲，青檸薄荷梳打同柑吉梳打，兩杯都大大杯夠潤喉，係呢個天氣食完鹹野飲返杯都好chill好岩飲。下次來開西環如果想食泰越菜，隨時可以來just eat 坐下食下野都係唔錯選擇。