新南苑私房菜火鍋鷄煲 (華僑商業中心) (已搬遷) 新店位置

三天前已預定好海鮮蒸鍋，每位338(兩位起)，同親友先打完四圈，馬上出發，一去到就有得食。先來個雞煲，有少少麻辣，吊起嫩滑雞鮮味。食完雞煲，服務員馬上幇忙換上蒸鍋，南瓜排骨放係底，上面蒸海鮮，服務員全程幫忙蒸海鮮。 可以放心一路食一路閒聊，仲有掛牆大電視睇。端出一大盤海鮮拼盤有多種新鮮海產，由於今日冇象拔蚌，所以改左龍躉班塊、另外有開邊龍蝦、大大隻日本元貝、紐西蘭大蟶子、大連鮮活鮑魚、沙井生蠔、新鮮肉蟹⋯⋯手切牛肉全部都很新鮮，龍蝦肉質爽夾鮮甜接下來的龍躉都很爽滑、元貝及蒜蓉蟶子鮮甜鮑魚仲好郁緊、好新鮮、食慾大增談到鮮甜度，肉蟹肯定無得頂、大大只生蠔、爽脆滋味十足，由於食材新鮮，每款海鮮都令人滿意。食完豐盛海鮮餐，係時侯食蔬菜一解油脂，其中最欣賞係蒜蓉茄子，茄子全去皮完全冇嚡口感覺。最後的精神－ 南瓜排骨粥，滲入鮮甜海鮮汁，超正套餐包各式非酒精飲料、多款飲料任飲、內部裝修座位佈置亦舒適合理。服務員特地提醒食客，因要確保海鮮蒸鍋食材新鮮，所以須預早一日預訂哦！