新發茶餐廳

營業中

休息中

今日約咗一班朋友食雞煲，有人推薦食新南苑，原來係可以任食雞煲架，佢嘅雞煲同出邊有啲唔同，佢嘅比較乾身啲，好惹味啊！另外仲會送一碟帶子刺身，份量係人頭咁計，d 帶子都好新鮮㗎！食咗咁多轉雞煲其實都有啲飽，不過同佢講聲就可以開始打邊爐啦！湯底都有好多唔同嘅選擇，我哋就揀咗個花膠湯底同埋四色火鍋湯底。但係好戲在後頭啊！店員上左一疊超巨型海鮮，入面嘅數量都係人頭咁計嘅，好吸引啊！海鮮盤裏面有蟹、虎蝦、脆肉鯇、蠔同埋鮑魚，全部都好新鮮㗎，啲蝦同鮑魚都會郁架！另外仲有一疊好新鮮嘅牛肉係送嘅，除此之外仲有其他配料可以帶嘅，但係我哋食完呢盆海鮮都已經飽晒！最後埋單每人三百零蚊，抵食！