漁獲浜燒 (已結業)

老友生日請佢到尖沙咀食嘢慶祝一下！ 知佢愛食日本菜，首選當然係要有番咁上下水準嘅食店喇！预先問同事介紹咗呢間新開張嘅“漁獲浜燒”口碑好好。今晚約好來試試！希望佢會滿意喇！來到果然環境都幾舒服！ 睇菜牌好多選擇，刺身，甲羅燒……先點個刺身，小食啤酒等邊食邊傾！芝麻醬椰菜 / 20元小食七味炸魷魚鬚 / 68元好鬆脆！佐酒一流！食住魷魚飲一口冰凍Suntory啤好爽呀！ 刺身點左金目鯛， 色澤鮮明，肉質好柔軟有鮮味，份量唔多唔少，滿足！食完啲頭，骨可選擇炸式煮湯，我地揀左煮味噌湯。食完刺身，當然要試依度嘅浜燒喇！(同事話一定要試的！）龍蝦，活貝浜燒盛合 / 1248元有松葉蟹腳，鮑魚，蠔，帆立貝。職員攞出來俾我地過目，龍蝦扎扎跳！其他貝類好有海水味好新鮮！再攞返去清處理。好期待呀！啲海鮮處理得好乾淨企理，食得開心又放心！職員將食材放喺爐上用熟練嘅手法 程序燒到成熟度啱啱好！鮑魚鮮嫩有口感，松葉蟹柳爽甜而帆立貝就用左清酒煮，好清爽有鮮甜原味！好鍾意！龍蝦好多工序，將蝦身啲刺同有沙不能吃嘅部位除去再將蝦肉分段切好，再將蝦糕釀番蝦身上，然後爐面燒加火槍底面燒到焦香樸鼻！簡值係凡間美食！