盈圖

營業中

休息中

最愛試新嘢，今日同伙記都想輕鬆點，唔想食西餐或者壽司啦！就選擇咗喺大角咀嘅盈圖。朋友之前推介過話佢哋嘅點心超正，就今日嚟試吓啦！果然，佢哋嘅點心菜式真係好得我驚喜到！🙀🙀💠黃金脆脆蝦丸💠首先拎上嚟個黃金脆脆蝦丸，我諗係佢哋一定要試嘅菜色。⭐️金黃色狀，外皮酥脆，食落口好過癮💠鮮蝦菜苗餃💠皮薄餡靚，飽滿嘅鮮蝦配埋帶有一絲清香嘅菜苗，完美！💠椒鹽魷魚鬚💠皮脆肉嫩，椒鹽嘅味道香而不辣，完美融入魷魚鬚嘅鮮味。💠八味脆豆腐💠豆腐炸得金黃，啖啖豆香，而且佢哋自家製嘅八味醬同豆腐更加配，食落就知有幾好味！最尾就最期待嘅💠鮑汁炆鳳爪💠啦！🎈鮑汁味道香濃但又唔會過重，係好均勻地滲入到鳳爪每一個部位，實在係令人欲罷不能！總括嚟講，盈圖呢間中菜館菜式質素一流，有所保證💟