影片
更多
2022-11-17
143 瀏覽
聽到好多朋友都推介呢間隱世日式Fusion小店秋香，一於就去試一下😉 餐廳外面已經好有feel，復古風嘅裝修，店内牆上掛有周星馳電影〈唐伯虎點秋香〉嘅經典對白 「別人笑我太瘋癲我笑他人看不穿」字句，玩味十足，而且燈光都好relax，特別欣賞水吧上面啲酒瓶吊飾，好靚😍餐廳主要供應串燒、招牌煲仔飯，每日都有供應午市套餐，堂食套餐包括：前菜、味噌湯、soft drinks (可樂/薑啤/檸檬梳打/炭酸水/橙汁)，初頭見佢個價位都唔平，但睇落去你就知係物超所值👍🏻首先有綠色嘅海藻，酸甜開胃，再配有紫菜味噌湯🥣味道不錯，唔係求其開粉嘅味精湯，之後就到最期待嘅主菜。1️⃣ 鹽燒白鱔煲仔飯🍲 $238呢度嘅招牌菜之一！每日限定供應，所以最好就訂枱時都叫職員留定一個，即叫即燒，上枱個時仲熱辣辣🔥4大舊白鱔爽口彈牙，非常肥美肉嫩，皮燒得好香脆，每啖魚肉都充滿魚油脂香，另外，煲仔飯最重要梗係飯焦！圍住煲底都有，佢用左珍珠米，所以飯焦口感都特別煙靭，而且米飯吸滿白鱔啲魚油，配埋蔥花同少量櫻花蝦乾，無得頂💯2️⃣ 麻辣創意雞煲仔飯 $148煲仔飯的賣相就已經好吸晴，飯面舖上一層以辣椒及蔥花蓋著的雞肉🐤中間仲有個生雞蛋
餐廳主要供應串燒、招牌煲仔飯，每日都有供應午市套餐，堂食套餐包括：前菜、味噌湯、soft drinks (可樂/薑啤/檸檬梳打/炭酸水/橙汁)，初頭見佢個價位都唔平，但睇落去你就知係物超所值👍🏻
首先有綠色嘅海藻，酸甜開胃，再配有紫菜味噌湯🥣味道不錯，唔係求其開粉嘅味精湯，之後就到最期待嘅主菜。
1️⃣ 鹽燒白鱔煲仔飯🍲 $238
呢度嘅招牌菜之一！每日限定供應，所以最好就訂枱時都叫職員留定一個，即叫即燒，上枱個時仲熱辣辣🔥4大舊白鱔爽口彈牙，非常肥美肉嫩，皮燒得好香脆，每啖魚肉都充滿魚油脂香，另外，煲仔飯最重要梗係飯焦！圍住煲底都有，佢用左珍珠米，所以飯焦口感都特別煙靭，而且米飯吸滿白鱔啲魚油，配埋蔥花同少量櫻花蝦乾，無得頂💯
鹽燒白鱔煲仔飯
$238
34 瀏覽
0 讚好
0 留言
2️⃣ 麻辣創意雞煲仔飯 $148
煲仔飯的賣相就已經好吸晴，飯面舖上一層以辣椒及蔥花蓋著的雞肉🐤中間仲有個生雞蛋黃🍳淨係睇個顏色就已經知道味道一定好香濃，啲雞肉加埋洋蔥一齊煮，雞肉仲好嫩滑，飯粒沾滿左蛋黃汁同本身嘅醬汁，非常惹味，佢個麻辣唔太辣，不過真係好味好惹味😋
麻辣創意雞煲仔飯
$148
39 瀏覽
0 讚好
0 留言
3️⃣ 自家茉莉薄荷蘋果蜜+$15
佢地嘅自家制蘋果蜜🍹顏色好靚，味道甜甜地，聞到少少茉莉花清香氣，配埋薄荷葉，可以解膩。
4️⃣ 秋香特飲 +$15
今次個特飲係杞子桂圓紅棗茶，仲以為係普通一杯熱飲，上到枱有驚喜，係一壺咁上🫖再配個小酒杯，入面有不少杞子桂圓紅棗，啱哂女士們😍
總的來說，環境一流，食物有品質，而且服務都好好，不過位置唔多，所以記得要預早訂枱，下次有機會要試埋個晚市。原來秋香喺屯門有兩間分店，一間喺康景花園，一間喺黃金海岸，可以多個選擇。
#foodie_couple_hk_sm816
張貼
