夜燒站

營業中

休息中

今次黎到荃灣搵有咩好野食，留意到呢間夜燒站串燒，我本身超鐘意食燒物，尤其燒肉碎茄子同埋牛油金菇，所以就決定試下~入到店內地方都算寬敞，值得一讚嘅係地下枱面座位都好乾淨唔會油淋淋咁，衛生做得唔錯~Menu 上食物種類好多，海鮮都有好幾款，而且全部價錢非常公道，黎到居酒屋就梗係要叫支啤酒送燒物~頭盤先黎左份元貝群邊，好彈牙好開胃，跟住就要大快朵頤了！一口氣叫左好幾款海鮮，清酒煮蜆又滑又鮮甜，隻隻都又大又多肉，清酒都煮得好入味，好食到停唔到口😋接住就到蒜茸燒蝦燒扇貝、帶子同焗蝦，作為一個海鮮控真係食得好開心！特別係扇貝，比蒜茸燒到逼曬 d 鮮味出黎，好食到兩下就食曬，心諗仲有無即刻想 encore!但係都要冷靜 d ，因為要留肚食其他好西，例如燒墨魚鬚，好有咬口又惹味，至於其他肉類例如牛舌尖、牛柳等都燒得好出色，火候恰到好處，仲鎖住肉汁係肉裡面保持鮮嫩口感，烹調工夫一流！最後推介下必點嘅牛油金菇、肉碎茄子同招牌鵝肝多士。金菇同茄子燒出黎嘅感覺真係同蒸或者其他煮法無得比，茄子我淨係鐘意食燒！而且餐廳用料超足，條茄子已經好大條，但肉碎仲多過茄子食完仲有肉碎淨，真係好抵食。至於鵝肝好甘香，配襯住脆