客家人窯燒雞

營業中

休息中

經開元朗見到有窯燒雞，就落order訂一隻返屋企加餸。佢哋嗰啲雞落單先即刻燒俾你，所以都要等一段時間。最好又可以WhatsApp落單，咁佢就可以準時俾你啦。佢哋呢啲燒雞需要風乾一日一夜，再放落呢一個大窯慢燒，燒出嚟皮薄多汁，而且啲肉仲好嫩滑添。出爐之後就成隻入盒，返到屋企仲原汁原味。佢會俾埋膠手套你，就可以直接用手撕開食。屋企人都話正。佢哋唔止就係得燒雞，仲有雞腳同埋其他窯燒系列，包括燒賣/窯燒三寶丸，喺出面食唔到㗎。