亞玉豆腐花

營業中

休息中

好耐之前係荃灣已經食過亞玉，不過荃灣鋪無位坐，買完只可以企係條街度食，而置樂呢間分店居然有座位，行過都可以坐低歇息食個tea！豆腐花係招牌當然要嗌返碗，不過同荃灣店價錢就差好遠啦，$9一碗，不過就一樣咁好味！個人中意熱食，特別滑，入口融化！見到佢有個叫客家糍粑既糯米糍，$15有3粒，超正！咬開係炒香咗既芝麻同埋花生餡，皮薄餡多，足料到一咬就爆到跌出黎，食既時候要小心漏餡！渣咋椰香味好香濃，同樣足料，食落好多豆類，有紫米湯水既感覺！而家優惠$10有碗，抵食！好耐都無見過有砵仔糕賣，$3一個，有有豆同無豆兩款可以揀，食落唔算太甜，粒粒紅豆幾有咬口