點‧粵 (已結業)

將軍澳南區有間新派粤菜，有好多款唔同招牌菜，例如酸菜魚，銀牙肉飛天脆麵、秘製雞煲….等等諗咗好耐，樣樣都想食，終於要投票決定😂首先上枱係椒鹽鮮魷，魷魚新鮮，炸得好香脆，椒鹽令味道更加突出👍跟住嚟到係秘製雞煲，雞肉滑嫩，特製醬汁夠濃郁，超好味👏安格斯牛柳條炒河粉。牛肉嫩滑，加埋河粉，大啖、大啖一齊食，好滿足😋金銀蛋浸小棠菜，就係一道清淡嘅菜式，金銀蛋同小棠菜，配搭恰到好處🥰最後甜品方面有芒果布甸同椰汁杞子桂花糕。芒果布甸滑滑嫩嫩，芒果香甜，好好味。而椰汁杞子桂花糕就係香甜可口，味道好特別，令人印象深刻。總括而言，餐廳嘅菜式豐富，味道都唔錯，服務亦好好，坐得好舒服，食飯和傾偈不錯的選擇😊