尚品餐室 (已結業)

深水埗不嬲多野食，今次去左呢間位於西九龍中心對面既餐廳，食既野好多元化，類似大排檔咁一入到去聞到勁香既古椒豬肚味，就已經比佢吸引左咸菜胡椒豬肚雞湯飯胡椒味勁濃郁,好足料岩哂冬天食,因為食完暖粒粒同朋友要搶住黎飲,因為真係好正!豬肚爽脆,重點係冇押味,完全唔會有豬臊味雞件就非常嫩滑整體係非常足料呀!鹵水拼盤揀左鵝片,豬大腸同豬耳,三樣野都係非常吸味既野,所以完全吸收左鹵水汁,好入味鵝片厚肉,而且幾滑,最怕食到啲鵝肉有膻味,但呢度冇豬大腸肥肥地,好有咬口,而且冇押味!豬耳則係爽脆,腍嫩!如果一大班人黎食會更好,咁就可以食到更多既野,呢度啲野都幾大碟架!!好抵食