MangoChaCha (已結業)

喺tst睇完戲 有空檔時間 唸住食少少野 懾時間， search到喺尖東 附近有間芒果類既甜品店 於是行去試下 食店以黃色為主 可能襯番芒果既顏色 以白枱 啡櫈為主 餐牌上全部都係關於芒果既甜品同飲料 我地點左一個芒果茶同芒果醋芒果醋係台灣 一種枝裝既醋， 飲落酸酸地而有d芒果既甜味 幾特別！芒果茶以一個茶器皿裝住， 茶壺下面有火慶住保暖， 芒果茶好香 一飲落去茶味同芒果味 都十分香濃 茶既苦同芒果既甜味配合得宜 推介！食物方面點左一個叫舊情人 下層係黑糖冰 上層係芒果冰 上面加多個芒果雪糕， 側邊圍住新鮮芒果， 由於用左新鮮愛文芒果整 芒果新鮮 冰又無落糖， 所以食落既冰只有好香既芒果甜味， 十分健康， 當然下面既黑糖都係純正黑糖味 没加其它糖 所以十分健康， 雪糕亦十分可口 入面充滿芒果肉 十分可口！ 側邊既芒果肉亦甜酸度適中 正！另外 點左個愛文流心， 呢個推介。 即係芒果心太軟加芒果雪糕， 當然 雪糕都同前一個甜品一樣味道， 心太軟芒果味第一次食， 出面皮脆 甜度適中 就好似焊過既蛋糕一樣， 上面估吾到落左少少芝士粉 香味四溢之餘估吾到仲同出面既脆皮同入面既流心芒果甘match