樂意點心

營業中

休息中

呢間長龍店成日都有人係出面等位，今日見冇乜人就走入去試吓。當然主打即叫即蒸點心，但原來仲有招牌籠仔蒸飯都好多人叫，基本絕配套餐$68已經有一個飯、燉湯、兩個點心。見到有個花雕蛋白臘腸蒸紅花蟹配白飯非常吸引，都係加$55，仲冇收加一。個蒸蛋白用咗原隻新鮮花蟹，加埋臘腸片。蛋白非常之水嫩，用嚟撈飯真係正。花蟹都好新鮮多肉。燉湯個鮮無花果雪耳沙參玉竹燉排骨又夠曬火候。點心有個芝麻蝦多士，又脆蝦又爽，值得一試。