黑瀧板蕎麥專門店 (已結業)

又係放毒時間😆呢間又係要約返三五七個知己先搞得掂😂今次要介紹既係呢間位於銅鑼灣既黑瀧板蕎麥專門店！話到明蕎麥專門店，冇理由唔食蕎麥麵呀😏但其實最後....又係叫到成張枱都係🤣壽司、刺身、炸物、燒肉、玉子燒🤩樣樣都有！壽司刺身新鮮，炸物恰到好處，唔乾身，又唔會多油，燒肉牛肉油脂分布平均🤤整體都唔錯!不過以上既都唔係重點！重點係蕎麥麵！我地叫左個三色蕎麥麵，分別係有原味、芝麻、同埋昆布！三種口味麵質都有少少唔同，由軟身去到硬身！最為硬身既係芝麻，但亦都係三款之中最濃味同最香🤤而昆布味就稍為偏淡，不過都唔錯😋整體黎講，呢間既蕎麥麵都真係唔錯👍🏻麵質爽口有嚼勁，份量都算多😋