芽莊城越南牛肉粉 (已結業)

男友話要去高登睇電腦，於是揀咗呢度食個下午茶！第一次上嚟，有啲難搵，係街市兜咗一大個圈先搵到條電梯！幾特別嘅熟食市場，樓底超高，好舊式，但又幾企理，仲有冷氣！我食豬扒雞翼撈檬，男友食生牛肉湯河，老闆娘落完單就叫我哋上住免費WiFi先！好快就有得食，嘩，好大碗！連男友嘅迷你餐都唔細！好味道，有我鐘意嘅酸蘿蔔，材料夠齊，有青瓜，蘿蔔，生菜，芽菜，花生碎，同香葉！好味道！男友個生牛肉湯底好正，飲哂！當然唔少得越南咖啡，又香又濃，跟餐加$3，正！