影片
更多
2025-01-11
234 瀏覽
今日行到銅鑼灣附近，無意間發現一間新開嘅港式串燒店。入到去，發現呢度嘅環境裝修好有特色，充滿咗地道嘅香港風格，簡直係拍拖同埋朋友聚會嘅好地方。首先介紹一下佢哋嘅唔同沙嗲牛肉麵。呢個麵入面用上自家製嘅沙嗲牛肉，牛肉煮得好香，沙嗲汁令到整碗麵好有層次，啲麵條吸晒啲汁，每啖都好滿足。然後係和牛炒飯，呢個炒飯真係粒粒分明，炒到好有鑊氣，和牛啲油脂融入飯之後味道特別香濃，食完一碗仲想再嚟多碗。睇住鹵水牛舌前面成個山堆咁，就知份量十足，呢度嘅牛舌經過滷水汁浸煮得好軟腍，每一片都充滿滷水嘅香氣，食得出心思。原塊黑椒牛仔骨，黑椒醬汁入晒味，牛仔骨咬落去嫩滑多汁，係真心推薦畀鐘意食牛肉嘅朋友。而陀地醬燒豬頸肉，佢哋將豬頸肉燒到外皮香脆，肉質又爽口彈牙，唔多唔少嘅肥膏就啱啱好。呢度仲有好多串燒選擇，每張枱都備有一個串燒爐，慢慢燒黎食就唔怕會凍，真係貼心。例如惹味辣雞腎，啲雞腎好爽口，而且辣味啱啱好。邪惡燒牛腸，外層香脆，內裡油香滿滿，係嗰啲你知唔應該食太多但停唔到口嘅美食。鹽燒牛舌芯，外脆內嫩，又係一道令人口齒留香嘅串燒。再嚟仲有老銅牛叉燒，醃得好入味，汁燒牛胸爽，脆口中帶肉味，連燒雞皮都好脆，簡直係串燒
首先介紹一下佢哋嘅唔同沙嗲牛肉麵。呢個麵入面用上自家製嘅沙嗲牛肉，牛肉煮得好香，沙嗲汁令到整碗麵好有層次，啲麵條吸晒啲汁，每啖都好滿足。
然後係和牛炒飯，呢個炒飯真係粒粒分明，炒到好有鑊氣，和牛啲油脂融入飯之後味道特別香濃，食完一碗仲想再嚟多碗。
睇住鹵水牛舌前面成個山堆咁，就知份量十足，呢度嘅牛舌經過滷水汁浸煮得好軟腍，每一片都充滿滷水嘅香氣，食得出心思。
原塊黑椒牛仔骨，黑椒醬汁入晒味，牛仔骨咬落去嫩滑多汁，係真心推薦畀鐘意食牛肉嘅朋友。
而陀地醬燒豬頸肉，佢哋將豬頸肉燒到外皮香脆，肉質又爽口彈牙，唔多唔少嘅肥膏就啱啱好。
呢度仲有好多串燒選擇，每張枱都備有一個串燒爐，慢慢燒黎食就唔怕會凍，真係貼心。
例如惹味辣雞腎，啲雞腎好爽口，而且辣味啱啱好。邪惡燒牛腸，外層香脆，內裡油香滿滿，係嗰啲你知唔應該食太多但停唔到口嘅美食。
鹽燒牛舌芯，外脆內嫩，又係一道令人口齒留香嘅串燒。再嚟仲有老銅牛叉燒，醃得好入味，汁燒牛胸爽，脆口中帶肉味，連燒雞皮都好脆，簡直係串燒天堂。
當然一定唔可以唔提燒菠蘿，甜甜地又多汁，燒嘅時候釋放咗菠蘿特有嘅香氣。
最後嘅砣地姜蓉雞串，呢個雞肉嫩滑，姜蓉味道夠晒香，食落去特別惹味。
如果再加多$68，仲可以換半打筷子都夾唔晒住嘅蔥蒜燒蠔，每隻蠔都好大隻，鋪滿晒蒜蓉同蔥，超惹味而且好鮮甜，絕對係值得嘅追加選擇。
總括而言，呢間新開嘅港式串燒店真係值得試，無論係環境定係食物都係一流，大家唔好錯過！
張貼
