八妹雞煲

營業中

休息中

今次黎到大埔呢間八妹雞煲，行呢個香港特色懷舊風味，佈置同裝修都好有香港80年代既感覺呀，係大埔呢間店仲有個大埔戲院既招牌，真係要有返咁上下年紀既人先知，加埋全垣滿座既牌，好有80年代風情，梗係要帶屋企人黎感受下喇。黎到八妹雞煲就梗係要食雞煲喇，叫左個小辣既雞煲，份量都幾足，成個煲都好多配菜，仲有紅蔥頭，一睇就知夠曬濃郁好味，辣汁好正，d雞醃得都幾入味，所以真係夠曬過癮。野飲方面，就叫左個清熱既竹茅，唔算話太話，保證自家制，夠曬健康下風，抵銷返打邊爐既熱氣。另外仲有唔少果茶選擇。響鈴夠曬大件抵食，上枱仲係熱辣辣好新鮮，建議上枱後就即刻食，咁先食到最鮮既響鈴。墨丸都好推介，夠曬彈爽口，味道都恰到好處。豬肉片，豬味好濃郁，而且唔會好so，肥瘦均稱，夠曬好味。